Me son fermà stamatina
ai giardini de le Poste,
par un momento ho ripensà
a quando ero buteleta
che corea in qua e in là,
me nona poareta che ciamava
vie qua, vien qua, toseta!
Me son fermà su la pancheta
no ghe un vecioto,
no ghe gnanca na veceta,
no ghe un butin che core,
solo carte, cartine, du gati
e un pò più in là, dele uce
su la siringa abandonà,
cosa avaremo mai fato
me son domandà
parchè sti fioi no se li riconosse,
i ride poco, iè sempre scontenti
voria iutarli, ma no so
da dove cominciar e allora,
allora, ho voltà la testa
come fa tuti par no guardar,
ma se sti giardini, podesse parlar
mi son sicura i daria consigli,
-scolta el to cor no ver paura!-
Na voragine me se voltà
dentro al cor, in più
na teneressa par i fioi che vegnarà:
darghe un baso, na caressa,
in un mondo de dubbi e
de incertessa.
Mi piace:
Mi piace Caricamento...
